SHaxmat Olimpiadasi. Erkaklar jamoamiz Zimbabveni mag'lub etdi

42-Butunjahon shaxmat Olimpiadasida O'zbekiston ayollar va erkaklar terma jamoalari ham ishtirok etyapti. O'n ettinchi jahon chempioni Rustam Qosimjonov boshchiligidagi O'zbekiston erkaklar terma jamoasi Olimpiadaning 8-turida Zimbabve terma jamoasini 4:0 hisobida mag'lub etdi.

Rustam Qosimjonov, Jahongir Vohidov, Marat Jumaev va Nodirbek Yoqubboevlar raqiblariga hech qanday imkoniyat qoldirishmadi. Bugun shaxmatchilarimiz 9-turda Kuba terma jamoasi vakillariga qarshi bahs olib borishadi. Sakkizinchi turdan so'ng terma jamoamiz qo'shimcha ko'rsatkichlarga ko'ra 52-pog'onadan 37-o'ringa ko'tarilib oldi. Terma jamoamiz hisobida 5ta g'alaba va 3ta mag'lubiyat bor.