SHaxmat Olimpiadasi. Erkaklar jamoamizda ikkinchi mag'lubiyat

42-Butunjahon shaxmat Olimpiadasida O'zbekiston ayollar va erkaklar terma jamoalari ham ishtirok etyapti. 17-jahon chempioni Rustam Qosimjonov boshchiligidagi O'zbekiston erkaklar terma jamoasi Butunjahon shaxmat Olimpiadasining to'rtinchi turida yana mag'lubiyat alamini totib ko'rdi.

Bu safar shaxmatchilarimiz Argentina terma jamoasiga 1,5:2,5 hisobida imkoniyatni boy berishdi. Birinchi doskada harakat qilgan Rustam Qosimjonov raqibi Fernando Peraltani mag'lub etdi. Anton Filippov Sandro Mareko bilan durang o'ynadi. Marat Jumaev va Nodirbek Yoqubboevlar esa raqiblariga yutqazib qo'yishdi.

Ushbu mag'lubiyatdan so'ng terma jamoamiz qo'shimcha ko'rsatkichlarga ko'ra 64-o'ringa tushib ketdi. Bugun terma jamoamiz shaxmatchilari Surinam vakillariga qarshi bahs olib borishadi.