SHaxmat Olimpiadasi. Qizlarimiz CHexiya terma jamoasini engishdi

42-Butunjahon shaxmat Olimpiadasida O'zbekiston ayollar va erkaklar terma jamoalari ham ishtirok etyapti. Kecha musobaqada 9-tur uchrashuvlari o'tkazildi. O'zbekiston ayollar terma jamoasi musobaqadagi o'zining beshinchi g'alabasini nishonladi.

CHexiya terma jamoasiga qarshi kechgan bahsda hamyurtlarimiz 3:1 hisobida zafar quchishdi. Nafisa Mo'minova, Irina Gevornyan va Sarvinoz Qurbonboevalar raqibalarini mag'lubiyatga uchratishdi. Gulruhbegim Tohirjonova esa oq donalarda o'ynashiga qaramay, Kristina Xavlikovaga yutqazib qo'ydi. O'zbekiston – CHexiya - 3:1.

Taqqoslash uchun, shaxmat Olimpiadasida CHexiya 25, O'zbekiston 22-raqamli jamoa sifatida qayd etilgan. Kechagi g'alabadan so'ng terma jamoamiz 26-pog'onadan 18-o'ringa ko'tarilib oldi.

Terma jamoamiz 9ta uchrashuvdan 5tasida zafar quchib, 2ta durang o'ynagan va ikki bor mag'lubiyat alamini totib ko'rgan. Bugun shaxmatchi qizlarimiz dunyoning yigirma birinchi raqamli jamoasi bo'lib turgan Gollandiya terma jamoasidagi dugonalariga qarshi dona surishadi.