SHaxmat Olimpiadasi. Qizlarimizning ikkinchi mag'lubiyati

42-Butunjahon shaxmat Olimpiadasida O'zbekiston ayollar va erkaklar terma jamoalari ham ishtirok etyapti. Kecha musobaqada 8-tur uchrashuvlari o'tkazildi. O'zbekiston ayollar terma jamoasi kecha musobaqadagi o'zining ikkinchi mag'lubiyatini qabul qilib olishdi.  

Hindiston terma jamoasiga qarshi kechgan bahsda birgina Nafisa Mo'minova mag'lubiyatga uchradi. Tajribali Xarika Dronovalliga qarshi kechgan bahsda hind shaxmatchisi zafar quchdi. Sarvinoz Qurbonboeva, Gulruhbegim Tohirjonova va Nodira Nodirjonovalar esa kuchli raqibalari bilan murosaga kelishdi. O'zbekiston – Hindiston - 1,5:2,5.

Taqqoslash uchun, shaxmat Olimpiadasida Hindiston 5, O'zbekiston 22-raqamli jamoa sifatida qayd etilgan. Kechagi mag'lubiyatdan so'ng terma jamoamiz 16-o'rindan 26-pog'onaga pastladi. Terma jamoamiz 8ta uchrashuvdan 4tasida zafar quchib, 2ta durang o'ynagan va ikki bor mag'lubiyat alamini totib ko'rgan. Bugun shaxmatchi qizlarimiz dunyoning o'n beshinchi raqamli jamoasi bo'lib turgan CHexiya terma jamoasidagi dugonalariga qarshi dona surishadi.