SHohjahon Ergashevning vaznidagi Batir Jukembaevning AQSHdagi jangi nokaut bilan yakunlandi

Unda birinchi yarim o'rta vazn toifasida qozog'istonlik charm qo'lqop ustasi Batir Jukembaev (23-1-0) ringga ko'tarildi. Ukraina vakili Ivan Redkachga (24-7-1) qarshi kechgan 10 raundlik jang beshinchi raundda o'z nihoyasiga etdi. Unda Jukembaev texnik nokaut orqali muddatidan oldin zafar quchdi.

SHu tariqa, Batir Jukembaev prof ringdagi 23-g'alabasini qo'lga kiritdi, Redkach esa o'zining 7-mag'lubiyatini qabul qilib oldi. Qizig'i, Jukembaev faoliyatidagi yagona mag'lubiyatini hamyurtimiz SHohjahon Ergashev singari IBF chempioni, puerto-rikolik Sabriel Matiasdan qabul qilib olgan.