24 apr 17:30
Yangiliklar

Boks/MMA

SHohjahon ikki hafta ichida ikkita jang o'tkazadi. Hamyurtimiz Fyuri kardida ringga chiqadi + POSTER

Teglar : Tommi Fyuri SHohjahon Abdullaev

9 may kuni Vengriyaning Budapesht shahrida prof boks oqshomi bo'lib o'tadi.

Oqshomning markaziy jangi og'ir vazn toifasidagi britaniyalik taniqli charm qo'lqop ustasi Tommi Fyuri hamda bosniyalik Kenan Xanjalic o'rtasida kechadi.

Etiborlisi, mazkur turnir doirasida o'zbekistonlik professional bokschi SHohjahon Abdullaev ham ringga chiqadigan bo'ldi. 22 yashar hamyurtimizga o'sha kuni Gruziya vakili Irakli Alanidze (6-5-1) raqib bo'ladi.

Qizig'i, Abdullaev bundan oldin 26 aprel kuni ham jang o'tkazadi. SHohjahon Budapeshtdagi ilk bahsida venesuelalik Ivan Matyut (31-20-2) bilan to'qnash keladi.

Malumot uchun, SHohjahon prof boksdagi faoliyati davomida hozirgacha 3 ta jang o'tkazib, ularning barchasida g'alaba qozongan. Hamyurtimizni yaqin ikki hafta ichida navbatdagi ikkita jang kutib turibdi.