Sirdaryoda ham ommaviy sport tadbirlari muntazam o'tkazib kelinmoqda

Jumladan, aholini sog'lom turmush tarziga o'rgatish, ularni jismoniy tarbiya va sportga faol jalb etish, to'g'ri ovqatlanish, aholida ortiqcha vazn paydo bo'lishi natijasida qand kasalligi, shuningdek, turli yuqumli bo'lgan kasalliklarning kelib chiqishini oldini olish maqsadida aholi orasida sog'lomlashtiruvchi jismoniy mashqlarni doimiy o'tkazish hamda ularga qulay sharoitlar yaratishga alohida etibor qaratish maqsadida tashkil etilayotgan ertalabki badantarbiya mashg'ulotlari, «Sog'lom hayot uchun 5000 qadam» shiori ostidagi yurish marafonlari tobora ommalashib bormoqda.

Xususan, viloyatning SHirin va Oqoltin tumanlarida aholi o'rtasida badantarbiya va «Sog'lom hayot uchun 5000 qadam» shiori ostidagi yurish sport tadbirlari tashkil etilgan bo'lsa, Guliston shahri hamda Boyovut tumanlarida yoshlar o'rtasida sportning futbol, voleybol, engil atletika turlari bo'yicha «Yoshlar» spartakiadasi musobaqalari bo'lib o'tdi.

Mazkur sport tadbirlariga aholining barcha qatlamlari jalb etilmoqda. Sport tadbirlari yakunida g'oliblar, sovrindorlar va faol ishtirokchilar tashkilotchilar tomonidan munosib rag'batlantirib borilmoqda.