Sirdaryoda sport sekciyalari faoliyati qayta yo'lga qo'yilmoqda

Xabaringiz bor, yurtimizga koronavirus pandemiyasi kirib kelishi va tarqalishining oldini olish bo'yicha Respublika maxsus komissiyasining qaroriga asosan «yashil» va «sariq» va hududlarda sport sekciyalari, to'garaklari, sport zallari va fitnes klublar faoliyatiga ruxsat berilgan edi.

Jumladan, Sirdaryo viloyati jismoniy tarbiya va sport boshqarmasi tasarrufidagi «yashil» toifadagi hududlarda joylashgan sport talim muassasalarida sport sekciyalari faoliyatini belgilangan talablar asosida tashkil etish ishlari boshlandi.

Bolalar-o'smirlar sport maktablari sanitariya va epidemiologiya markazining ruxsati asosida hamda karantin qoidalariga qatiy amal qilgan holda o'z faoliyatini boshladi.

Sport muassasasiga kirishda, tana haroratini o'lchovchi pirometr vositasi orqali tekshiruvdan o'tgach, mashg'ulotlarda qatnashishga ruxsat etilmoqda. SHuningdek, kun davomida sport zali dezinfekciya qilib turilmoqda.