Sobiq WBC chempioni: "O'zbekistonlik "Monstr" Kroufordni mag'lub etdi"

Jumladan, birinchi o'rta vazn toifasida sobiq vaqtinchalik WBC chempioni Sergey Bogachuk (24-2, 23 KO) ham vRINGe internet portaliga bergan intervyusida ushbu jangga munosabatini bildirgan. Ukrainalik bokschi R4R reytingi etakchisi — amerikalik Terens Krouford (41-0, 31 KO)ni 4 avgust tongida bo'lib o'tgan jangda mag'lubiyatga uchragandi deb hisoblamoqda.   

"Aytyapmanku, hakamlar Terensning g'alabasiga ortiqcha baho berib yuborishdi. Ha, konkret yuqori baho berildi. Vaholanki, u Madrimovga qarshi jangda amalda hech narsa qila olmadi. SHaxsan men bu jangda Isroil Madrimov g'alaba qozondi, deb bemalol ayta olaman. U Krouford aslida kim va qanday darajadagi bokschi ekanini ko'rsatib qo'ydi.  Terens taktikasi yo'q, faqat oldinga boraveradigan meksikaliklarga qarshi janglarda engil g'alabalarni qo'lga kiritib o'rganib qolibdi. Madrimov esa umuman boshqa boks maktabini ko'rsatib berdi. Oyoq harakatlari, raqibni yoniga chaqirib, kutilmagan xujumlar uyushtirish, doimiy djeb zarbalarini yo'llashi, Terens bu narsalarni kutmagandi. Agar Krouford shu jangini namoyish etsa, Saul Alvares uni shunchaki o'ldirib qo'yadi", - dedi Bogachuk.