Sodiq Safoev O'zbekiston regbi federaciyasi raisligiga qayta saylandi

O'zbekiston Respublikasi Oliy Majlisi Senati raisining birinchi o'rinbosari, O'zbekiston regbi federaciyasi raisi Sodiq Safoev, O'zbekiston sport faxriylari kengashi raisi Bahodir Maxsitov, Sport o'yinlari buyicha Respublika oliy sport mahorati maktabi direktori Jasur Akramov, shuningdek, federaciyaning Ijroiya qo'mitasi, viloyatlardagi vakillari, murabbiylar shtabi va sportchilar ishtirok etishdi. Konferenciyada federaciyaning o'tgan davrdagi hisoboti ko'rib chiqilib, rahbariyat tarkibi shakllantirib olindi.

Dastavval federaciya Ijrochi direktori Begzod Ibragimov 2019-2023 yillar davomida amalga oshirilgan ishlar yuzasidan hisobot berdi. Unda 4 yil mobaynida erishilgan yutuqlar, yo'l qo'yilgan kamchiliklar ko'rib chiqildi. Delegatlar hisobotni bir ovozdan maqullashdi. SHundan so'ng kun tartibining asosiy masalalariga o'tildi.

Ijroiya qo'mita tashkilot rahbarligiga 2013 yildan beri federaciyada rais sifatida faoliyat olib borayotgan va 2017 yil ushbu lavozimga qayta saylangan O'zbekiston Respublikasi Oliy Majlisi Senati raisining birinchi o'rinbosari Sodiq Safoev nomzodini ilgari surdi. Ishtirokchilar bir ovozdan Sodiq Salixovich nomzodini qo'llab-quvvatlashdi va S.Safoev navbatdagi muddatga O'zbekiston regbi federaciyasining raisi etib saylandi. 

O'z navbatida, federaciya raisi bildirilgan ishonchni oqlashga vada berar ekan, terma jamoalarning moddiy texnik bazasini oshirish orqali xalqaro maydondagi natijalarni yanada yaxshilash, mamlakatimizda regbi ommaviyligini oshirish bo'yicha ustuvor rejalar haqida to'xtalib o'tdi.

Delegatlar shu paytgacha federaciya Bosh kotibi lavozimida ishlab kelgan Qahramon Jalilov nomzodini navbatdagi muddatga maqullashdi. SHuningdek, O'zbekiston Respublikasi Mudofaa vazirining o'rinbosari Alisher Narbaev federaciya raisining birinchi o'rinbosari, MOQ Bosh kotibi Oybek Kasimov hamda Respublika tovar xom ashyo birjasi boshqaruv raisi Ziyovuddin Badriddinov federaciya raisi o'rinbosari lavozimlariga saylandilar. Tadbir davomida federaciya Ijroiya qo'mitasi, Taftish hayati va Tartib-intizom qo'mitasi tarkibi ham shakllantirib olindi.

SHuning bilan, O'zbekiston regbi federaciyasining navbatdagi hisobot-saylov konferenciyasi o'z ishini yakunladi.