Sog'lom turmush tarzi sari ilk qadam bolalikdan qo'yiladi

Xususan, 2020 yil 30 oktyabrdagi «Sog'lom turmush tarzini keng tatbiq etish va ommaviy sportni yanada rivojlantirish chora-tadbirlari to'g'risida»gi Prezident farmoni bu borada muhim qadam bo'ldi.

Farmonga muvofiq, maktabgacha talim, umumiy o'rta, o'rta maxsus, oliy o'quv yurtlari hamda boshqa tashkilotlarda jismoniy tarbiya va ommaviy sport bilan shug'ullanish uchun etarli shart-sharoitlar yaratish alohida belgilab qo'yilgan.

Mazkur farmon asosida ilk marta O'zbekiston velosiped sporti federaciyasi tashabbusi bilan Jismoniy tarbiya va sport vazirligi, Maktabgacha talim vazirligi hamda Evropada xavfsizlik va hamkorlik tashkiloti (EXHT) hamkorligida maktabgacha talim muassasalari tarbiyalanuvchilari, yani jajji bolakaylarning sport bilan shug'ullanishlari uchun zamonaviy Begovellar (bolalar uchun pedalsiz velosipedlar) bilan taminlash, «O'zbekistonda birinchi bolalar velopoygasi»ni o'tkazish bo'yicha Memorandum imzolandi.

Tadbirda O'zbekiston Respublikasi Oliy Majlisi Senati raisi, mamlakat velosiped sporti federaciyasi raisi Tanzila Norboeva, Jismoniy tarbiya va sport vaziri Dilmurod Nabiev, Maktabgacha talim vaziri Agrippina SHin hamda EXHTning mamlakatimizdagi doimiy koordinatori, janob Jon Makgregorlar ishtirok etishdi.

Rasmiylar yangi tashabbusning mamlakatimizda ommaviy sport targ'iboti yo'lida qanchalik muhim ahamiyat kasb etishi haqida iliq fikrlar bildirishdi. SHundan so'ng tashkilotlar o'rtasida o'zaro hamkorlik memorandumi imzolandi.

Memorandumdan ko'zlangan asosiy maqsad – yosh bolalarni jismoniy tarbiya va ommaviy sport bilan shug'ullanishga shart-sharoit yaratishni keng yo'lga qo'ygan holda respublikamizning barcha hududlaridagi maktabgacha talim muassasalarini bosqichma-bosqich Begovellar bilan taminlash, tomonlar o'rtasida o'zaro samarali hamkorlikni kengaytirish va mustahkamlash uchun zamin yaratish, bugungi kunda yurtimizda jismoniy tarbiya va sport sohasini jadal rivojlantirish yuzasidan tizimli ishlar amalga oshirishdan iborat.