Sport anjomlari karvoni maktablarga yo'l oldi

Yoshlarni jismonan chiniqtirib, sog'lom kamolga etkazish va ularning sport sohasidagi qobiliyatini keng namoyon etishi uchun zarur bo'ladigan anjomlar orasida futbol, voleybol to'plari, stol tennisi, boks qo'lqopi, shaxmat-shashka to'plamlari ham mavjud.

Viloyatda 5 ta muhim tashabbus ijrosini taminlash yuzasidan salmoqli ishlar amalga oshirilib, yoshlar o'rtasida kitobxonlikni targ'ib etish, ularning manaviyatini yuksaltirish, kompyuter texnologiyalari va internetdan samarali foydalanish ko'nikmalarini mustahkamlashga alohida etibor qaratilmoqda. Yigit-qizlarni jismonan chiniqtirib, ularning sport sohasidagi qobiliyatini keng namoyish etishi uchun zarur sharoit yaratilayotir. Jumladan, viloyat hokimligi va O'zbekiston Islom akademiyasi yaqinda umumtalim maktablariga 136 million so'mlik 9 nomdagi 8 mingdan ortiq diniy-marifiy mazmundagi kitoblarni tuhfa qilgan edi.

Vohadagi umumtalim maktablariga teng miqdorda taqsimlangan sport anjomlari karvoni viloyat xalq talimi hamda jismoniy tarbiya va sport boshqarmalari vakillari hamrohligida Termiz shahridan belgilangan manzil tomon yo'l oldi.