Sport maktabida sanitariya va gigienaga qatiy amal qilinadi FOTOREPORTAJ

Xususan, viloyat jismoniy tarbiya va sporti boshqarmasi tasarrufidagi CHiroqchi tuman 1-sonli bolalar-o'smirlar sport maktabida ham karantin choralariga qatiy amal qiliniayotganiga guvoh bo'lishingiz mumkin.  

Sport maktabiga kirish va chiqish joyida  qulay va talabga mos zararsizlantiruvchi “dezinfekciya tunneli” o'rnatilgan. SHuningdek, kirish yo'lagida pirometrlar, antiseptik vositalar va dezinfekcion “tushak”lari bilan taminlangan.

Bunday choralar bir tomondan koronavirus infekciyasining keng tarqalashini oldini olishga, sport maktabi xodimlari va tarbiyalanuvchilarining karantin davrida salomatligi muhofazasini qatiy taminlashga qaratilganligi bilan ahamiyatlidir.  

– Hududiy sanitariya-epidemiologiya osoyishtalik markazi bilan hamkorlikda karantin tartib-qoidalariga amal qilinmoqda, - deydi  CHiroqchi tuman 1- BO'SM direktori Farhod Jumanov. – BO'SMda mavjud binolarimiz dezinfekciya qilinmoqda, kirish va chiqish joylarda kerakli  dezinfekciya vositalari bilan taminlangan.  Har bir ishchi-xodimlarimizni tibbiy niqob va tibbiy qo'lqoplardan foydalanishi, ularni tana haroratlarini ham o'lchab, sanitariya va gigiena qoidalariga to'liq rioya qilingan holatda faoliyat olib bormoqdamiz.   

Aytish joiz, ayni paytda CHiroqchi tumanidagi mazkur 1-BO'SMda 2860 nafar o'g'il-qizlar bo'lib, ularga 60 nafar trenerlar ustozlik qilishadi. 

Ilhom RAHMONOV tayyorladi, o'z muxbirimiz