Sport maktablariga Prezident sovg'asi - sport anjomlari topshirildi

Tantanali marosimda viloyat hokimining birinchi o'rinbosari F.Umarov, Buxoro shahri hokimi K.Kamolov va boshqalar mamlakatimizda sportni rivojlantirish, jumladan, uning moddiy-texnika bazasini mustahkamlashga alohida etibor qaratilayotganini takidladi. 

Prezidentimiz raisligida joriy yil 19 mart kuni o'tkazilgan videoselektor yig'ilishida yoshlarga bo'lgan etiborni yanada kuchaytirish, ularni madaniyat, sanat, jismoniy tarbiya va sportga keng jalb etish, yoshlarda axborot texnologiyalaridan foydalanish ko'nikmalarini shakllantirish, yurtimiz yoshlari o'rtasida kitobxonlikni targ'ib qilish, xotin-qizlar bandligini oshirish masalalariga alohida urg'u berildi.

Ilgari surilgan ikkinchi tashabbusda yoshlarni jismoniy tarbiya va sportga jalb etish, sport inshootlari quvvatini oshirishga qaratilgan dastur doirasida yaqin 2 yilda har bir tumanda engil konstrukciyali sendvich panelli kichik sport zallari qurish belgilangan. Buxoro viloyatidagi bolalar-o'smirlar sport maktablari 2018 yilgi musobaqalarda erishgan natijalari uchun Prezidentimiz tomonidan sport anjom va jihozlari bilan taqdirlanishi ham ushbu tashabbus doirasidagi amaliy ish sifatida muhim ahamiyat kasb etadi.

Viloyatda ayni paytda 14 ta bolalar-o'smirlar sport maktabi, 7 ta olimpiya va milliy sport turlari bo'yicha davlat ixtisoslashtirilgan maktab-internati, 4 ta ixtisoslashtirilgan sport maktabi va Buxoro ixtisoslashtirilgan olimpiya zaxiralari maktab-internati faoliyat ko'rsatmoqda. Ularda 19 ming 480 dan ziyod yoshlar sport bilan muntazam shug'ullanmoqda. 

O'tgan yili viloyat sportchilari yoshlar olimpiadasi, jahon paralimpiya musobaqalari, jahon chempionatlari va birinchiliklari, barcha turdagi Osiyo bellashuvlari, xalqaro turnirlarda 66 ta oltin, 40 ta kumush va 51 ta bronza medalini qo'lga kiritgan. SHuningdek, viloyat sportchilari mamlakat chempionati, kubogi va turnirlari bellashuvlarida 1 ming 65 ta sovrinli o'ringa sazovor bo'lgan.

Prezidentimiz tomonidan sport maktablariga ajratilgan qariyb 3,6 milliard so'mlik 333 turdagi 9 ming 151 dona sport anjom va jihozi yoshlarni sportga yanada keng jalb etish, ular orasidan istedodlilarni kashf qilish va mahoratini oshirishda keng imkoniyat yaratadi.