Stol tennisi. O'smirlar o'rtasidagi O'zbekiston chempionatida g'oliblar aniqlandi FOTOGALEREYA

Musobaqada Qoraqalpog'iston Respublikasi, Toshkent shahri va barcha viloyatlardan kelgan jami 258 nafar o'smirlar g'oliblik yo'lida bellashdilar. 

O'g'il bolalar o'rtasida o'tkazilgan yakkalik bahslarida Samarqand viloyati vakili SH.Iskandarov 1-o'rinni qo'lga kiritgan bo'lsa, qizlar o'rtasida Toshkent viloyati sportchisi M.Magdieva g'olib bo'ldi. 

CHempionat doirasida juftlik o'yinlari ham o'tkazildi. O'g'il bolalar o'rtasidagi uchrashuvlarda Toshkent shahri vakili J.Istamov va D.Lutfullaev, qiz bolalar o'rtasidagi bahslarda esa Farg'ona viloyatidan M.Bahodirova va S.Baxtiyorova juftliklari barcha raqiblardan ustun kelib, g'oliblik shohsupasiga ko'tarildilar.

CHempionat yakunida g'olib va sovrindorlarga medallar bilan birga Farg'ona viloyati soliq boshqarmasining qimmatbaho esdalik sovg'alari ham topshirildi.