Sultonov 1067-pog'onada borayotgan raqibini qiyinchilik bilan engdi

Hamyurtimiz Humoyun Sultonov ushbu turnirning birinchi raqamli tennischisi sifatida saralangani haqida xabar bergan edik. Hozirgina mamlakatimizning birinchi raketkasi ilk davra uchrashuvini o'tkazdi. 

Serbiyalik 24 yoshli Stefan Latinovichga qarshi kechgan 2 soatu 40 daqiqalik bahsda Sultonov irodali g'alabaga erishdi. Birinchi setni tay-brekda 6/7(4) boy bergan tennischimiz yakunda iroda ko'rsata oldi - 6/4, 6/3. 

Taqqoslash uchun, Sultonov ATP reytingida 232, Latinovich esa 1067-o'rinni egallab turibdi. Bu tennischilarning o'zaro o'tkazgan ilk uchrashuvi bo'ldi. Ertaga Humoyun 1/8 finalda reytingning 586-pog'onasida borayotgan shveciyalik Leo Borgga qarshi kortga chiqadi.