03 apr 16:53
Yangiliklar

Tennis

Sultonov Barletta "CHellenjer" turnirida 19 yoshli yigitga yutqazdi

Mamlakatimizning birinchi raketkasi Humoyun Sultonov Italiyaning Barletta shahrida o'tkazilayotgan turnirda ishtirok etayotgan edi.

Ushbu "CHellenjer" turkumiga kiruvchi musobaqaning mukofot jamg'armasi 91 250 evroni tashkil qiladi. Turnirda 8-raqam ostida tasniflangan Humoyun ilk davrada ukrainalik Oleksandr Ovcharenkoni kambek evaziga mag'lubiyatga uchrata olgandi - 2/6, 7/6(3), 7/5.

Afsuski, bugun Humoyun 76 daqiqa davom etgan 1/8 final bahsida xorvatiyalik 19 yoshli Matey Dodigga 4/6, 3/6 hisobida imkoniyatni boy berib qo'ydi. Humoyun birinchi setda 3/0 hisobida oldinga ham o'tib olgandi, ammo bu muvaffaqiyatini rivojlantira olmadi.

Taqqoslash uchun, 26 yoshli Sultonov ATP reytingida 229, Dodig esa 320-o'rinni egallab turibdi. Bu ikki tennischining o'zaro o'tkazgan ilk uchrashuvi edi. Humoyun 4, Matey 1 ta eys zarbasini amalga oshirgan.