10 dek 12:26
Yangiliklar

Bolalar sporti

Tajribali murabbiylardan yoshlarga "master klass"!

Teglar : Toshkent viloyati Bolalar sporti

Toshkent viloyati Zangiota tumanidagi bolalar-o'smirlar sport maktabi tuman jismoniy tarbiya va sport bo'limi bilan hamkorlikda hududda joylashgan 4-sonli, 5-sonli va 31-sonli umumiy o'rta talim maktablarida mahorat darslarini tashkil qildi.

Mahorat darslariga tuman BO'SM boks to'garagi treneri, O'zbekiston Respublikasida xizmat ko'rsatgan sportchi, “Mehnat shuhrati” ordeni sohibi, Atalanta-96 yozgi olimpiada o'yinlari bronza medali sovrindori Karim To'laganov hamda Ispaniyaning “Nex Star” futbol akademiyasining O'zbekistondagi filiali bosh murabbiyi Jon Eberilar ishtirok etdi.

Mahorat darslariga jami 400 nafardan ortiq sportga ishtiyoqmand yoshlar qatnashdi. Yoshlar o'zlarini qiziqtirgan ko'plab savollarga mahoratli trenerlardan javob olishdi. Darslar yakunida yoshlarga tuman BO'SM tomonidan esdalik sovg'alari topshirildi hamda iqtidorli yoshlar bolalar-o'smirlar sport maktabiga saralab olindi.

Zangiota tumanida Jismoniy tarbiya va sport bo'limi, BO'SM hamda Xalq talimi bo'limi bilan hamkorlikda amalga oshirilayotgan bu kabi tadbirlar yana davom etadi.

Havola :

Manba : minsport.uz

Reyting: