Terma jamoamiz medallar jamg'arish bo'yicha 5 pog'onaga pastladi

O'zbekiston terma jamoasi dzyudochilarimiz Diyorbek O'rozboev va Rishod Sobirov qo'lga kiritgan ikkita bronza medali bilan umumjamoa hisobida 207 ishtirokchi davlat orasida 33-o'rinni egallab turibdi. Bir kun avval biz 28-pog'onadan joy olgandik.

Olimpiadaning uchinchi kungi bahslaridan so'ng hamon AQSH terma jamoasi medallar jamg'arish bo'yicha peshqadamlikni o'z qo'lida saqlab turibdi. Okean orti jamoasi jami 19ta medalni qo'lga kiritib ulgurdi. SHulardan 5tasi oltin, 9tadan kumush va bronza medallaridir.

Ikkinchi o'rindagi Xitoy terma jamoasida ham 5ta oltin medal bor. Kumush medallar 3tani, bronza esa 5tani tashkil qilmoqda. To'rtta oltin va 3ta bronza medaliga ega Avstraliya terma jamoasi kuchli uchlikka yakun yasagan.

SHu kungacha 20ta davlat terma jamoalari kamida bir nafar Olimpiada chempioniga ega bo'lib ulgurdi. O'ttiz ikkita terma jamoada esa hisobida kamida bittadan kumush medal bor.