05 okt 07:29
Yangiliklar

Kurash

Termizda 100 000 dollarlik kurash musobaqasi oldidan matbuot anjumani o'tkazildi FOTOGALEREYA

Xabar berganimizdek, shu kunlarda Termiz shahrida Kurash bo'yicha O'zbekiston Respublikasi Prezidenti sovrini uchun Al Hakim At Termiziy xotirasiga bag'ishlangan XIV xalqaro turniri bo'lib o'tmoqda.

Har ikki yillikning eng nufuzli Kurash bayramlaridan biri hisoblangan mazkur musobaqada dunyoning 50 ga yaqin davlatidan 100 nafardan eng ziyod sara polvollari ishtirok etadi.

Joriy yilgi xalqaro turnirning sovrin jamg'armasi 100 ming AQSH dollarini tashkil etadi. Mutlaq vazn bo'yicha g'olib chiqqan sportchi O'zbekiston Respublikasi Prezidenti sovrini - 10 ming AQSH dollari bilan taqdirlanadi.

O'z tarixida 14-bor tashkil etilayotgan xalqaro turnirga Kurash bo'yicha Jahon chempionlari, Osiyo o'yinlari g'oliblari tashrif buyurdilar. Kecha Termizdagi “Meridian” mehmonxonasida musobaqa oldidan matbuot anjumani bo'lib o'tdi.

Unda zamonaviy Kurash asoschisi, O'zbekiston kurash federaciyasi raisining birinchi o'rinbosari Komil Yusupov, shuningdek, Afg'oniston, Latviya, Greciya, Xitoy Taypeyi, Mo'g'uliston va boshqa mamlakatlardan kelgan mehmonlar jurnalistlarning savollariga javob qaytardilar.

O'zbek Kurashi muxlislarining sevimli polvoni sifatida etirof etiladigan Aleksandr Kacuragi Braziliya terma jamoasi ustozi sifatida shogirdlarini bahslarga olib tushadi.