Termizda bel olish va uch kurash bo'yicha ikkita turnir boshlandi

O'zbekiston Respublikasi Jismoniy tarbiya va sport vazirligi hamda O'zbekiston Bel olish va uch kurash associaciyasining yillik-taqvim rejasidagi mazkur mamlakat chempionati va kubok bellashuvlarida Qoraqalpog'iston Respublikasi, Toshkent shahri va barcha viloyatlardan 500 nafardan ortiq polvonlar g'oliblik uchun kurash tushishmoqda. 

Bayramona bezatilgan sport zalida dastlab, musobaqaning tantanali ochilish marosimi  tashkil etildi. 

Marosimda so'z olgan Termiz tuman hokimi SHuhrat O'rinov, O'zbekiston bel olish va uch kurash associaciyasi bosh kotibi Nosir Azizovlar sportchilarni qutlar ekan, bugun mamlakatimizda sportga, xususan milliy sport turlariga qaratilayotgan etibor haqida takidlab, ishtirokchilarga musobaqalarda  muvaffaqiyat tilashdi. SHundan so'ng bellashuvlarga start berildi.  

Musobaqa reglamentiga muvofiq, bugun 2003-2004 yillarda tug'ilgan o'smirlar bel olish kurash turi bo'yicha bel olish, bel olishning xalqa-chalish, bel olishning xalqa-chalishsiz yo'nalishlarida o'nta vazn toifasida, kattalar o'rtasidagi kubok bellashuvlarida ham xuddi shu yo'nalishlarda o'nta vazn toifasida bellashishadi. Musobaqalar 13 dekabrga qadar davom etadi.