Tim Czyu navbatdagi raqibini malum qildi

Unga ko'ra, raqib 27 yoshli meksikalik Karlos Okampo bo'ladi. WBO vaqtinchalik tituli uchun birinchi o'rta vazndagi jang 18 iyun kuni Avstraliyaning Gold-Kost shahrida tashkillashtiriladi.

"Hozir boks tusha olmayman, biroq buni istayman. Hech kimdan qo'rqmayman va kim bilan bo'lsa ham jang qilaveraman. Okampo - men uchun eng yaxshi tanlov bo'ladi, chunki u sovrinlar uchun kurashda faqatgina Top darajadagi bokschilarga mag'lub bo'lgan.

Meksikaliklarning boksidan va ularing uslubidan doimo zavq olganman. Ular faqatgina jang qilish uchun chiqishadi va men aynan shuni Okampodan istayman. Otam meksikaliklarga qarshi besh marta jang qilgan va barchasida g'alaba qozongan. Eng asosiysi - u meksikalik eng buyuk bokschi Xulio Sezar Navasni mag'lub etgan. Men ham faoliyatim shunday bo'lishini istayman", - dedi Czyu.

Eslatib o'tamiz, kichik Czyu so'nggi jangini amerikalik sobiq chempion Toni Xarrisonga qarshi o'tkazgan. Jang 9 raund davom etgan va Timofeyning texnik nokautli g'alabasi bilan yakunlangan. Yanvar oyi so'nggida u Jermell CHarlo bilan jang qilishi kerak edi, ammo jang CHarloning jarohati sababli boshqa kunga qoldirilgan.

Okamponing hisobida 34 g'alaba va 2 mag'lubiyat bor.