"Tokio-2020" sport inshootlari + FOTO

Tokio shahri chegarasida 33 ta olimpiya inshootlari joylashgan, ularning 20 tasi Olimpiya qishlog'idan 8 kilometrdan uzoq bo'lmagan masofada joylashgan. “Tokio-2020” sport inshootlarining asosiy qismi ikki – “Meros zonasi” va “Tokio ko'rfazi zonasi” klasterlarida mujassamlashtirilgan.

“Meros zonasi”ga yangi Milliy stadiondan tashqari 10 ta sport inshootlari kiradi. Ularda engil atletika, badminton, boks, dzyudo, karate, ot sporti, zamonaviy beshkurash, stol tennisi, og'ir atletika, gandbol va futbol bo'yicha musobaqalar bo'lib o'tadi. Bu erda, shuningdek velosiped sporti bo'yicha shosseda poygalar o'tkaziladi. “Meros zonasi”ning deyarli barcha sport obektlari Yaponiya poytaxtida 1964 yilda bo'lib o'tgan Yozgi Olimpiya o'yinlari uchun qurilgan edi. Ular “Tokio-2020” uchun rekonstrukciya qilindi va yangilandi.

“Tokio ko'rfazi zonasi” klasteri sportning 18 turi, shu jumladan kurash, gimnastika, suzish, kamondan otish, tennis, qilichbozlik, voleybol, akademik eshkak eshish, baydarka i kanoeda eshkak eshish musobaqalariga mo'ljallangan inshootlarni qamrab oladi. Ushbu klasterga kiradigan 15 ta sport inshootidan to'qqiztasi maxsus “Tokio-2020” Olimpiya va Paralimpiya o'yinlari uchun bunyod etilgan.

“Tokio ko'rfazi zonasi”dagi Xarumi orolida Olimpiya qishlog'ining turar joylarida sportchilar yashaydi. “Tokio-2020” Olimpiya o'yinlari tugaganidan keyin Olimpiya qishlog'i zamonaviy turar joy massiviga aylanadi.

“Tokio-2020” Olimpiya o'yinlari dasturidagi futbol o'yinlari Yaponiyaning etti – Tokio, Sapporo, Rifu (Miyagi prefekturasi), Kasima (Ibaraki prefekturasi), Saytama va Yokogama shaharlaridagi stadionlarda bo'lib o'tadi. Miyagi va Ibaraki prefekturalaridagi stadionlarda futbol o'yinlarini o'tkazish “Tokio-2020” Olimpiya o'yinlari 2011 yilda SHarqiy Yaponiyadagi zilzila va cunami bo'lib o'tgan ana shu prefekturalarni ham qamrab olganini namoyish etishi maqsadini ko'zlaydi.