Tokio-2020ga tayyorgarlik masalalariga bag'ishlangan onlayn yig'ilish bo'lib o'tdi

Unda barcha Milliy olimpiya qo'mitalar vakillari, jumladan, O'zbekiston MOQ nomidan Bosh kotib Oybek Kasimov hamda Xalqaro aloqalar departamenti mutasaddilari qatnashdi. Tadbir davomida XOQ rahbari Tomas Bax, Tokio-2020 tashkiliy qo'mitasi bosh direktori Toshiro Muto kabi rasmiylar o'z yo'nalishlarida olib borilayotgan ishlar yuzasidan malumot berib, barcha ishtirokchilarga murojaat yo'llashdi.

“Olimpiadaga tayyorgarlik reja asosida olib borilmoqda. O'yinlar Tashkiliy qo'mitasi startlarni iloji boricha xavfsizroq qilish uchun barcha imkoniyatlarni ishga soladi. Yaponiya tomoni delegaciyalar, mansabdor shaxslarini qabul qilish, shuningdek, sport inshootlarini tejamkor elektr yoritish orqali xarajatlarni kamaytirishni taklif qilmoqda. Tokio "koronavirusdan keyingi davrda" sport tadbirlarini tashkil qilishda namuna bo'ladi", – deydi Toshirou Muto.

Tashkiliy qo'mita beysbolni barchaga namuna qilib ko'rsatmoqda. Yaponiyada ushbu sport turida muxlislarning stadionga kirishi 2020 yil 10 iyulda qayd etilgan va 5000 nafar tomoshabinning o'yinga kirishiga ruxsat berilgan. 2020 yil 19 sentyabrdan sport inshootining umumiy sig'imidan tomoshabinlarning 50 foiziga kirish mumkin qilib belgilandi.

Tadbirda XOQ va Tashkiliy qo'mita barcha MOQlar etiboriga o'yinlar davomida koronavirusga qarshi kurash yo'lida amalga oshiriladigan quyidagi choralarini malum qildi:

– Yaponiyaga ko'pgina mamlakatlardan kirish uchun 14 kunlik karantin talab qilinadi (Hozirda ushbu sharoitda mashg'ulotlar o'tkazish, iqlimga moslashish borasida rejalar o'rganilmoqda);

– COVID-19 testining salbiy natijasini tasdiqlovchi hujjat (jo'nab ketishdan oldin 72 soat ichida olingan) va Yaponiyaga kelgandan keyin yana bir sinov talab qilinadi.

– Ijtimoiy masofani saqlash:

– Kontaktni kamaytirish orqali sportchilarni himoya qilish bo'yicha bir qator chora-tadbirlarni ko'rib chiqish;

– Sportchilarning xatti-harakatlariga bazi cheklovlar talab qilinishi mumkin, masalan, Olimpiya shaharchasidan tashqarida odamlar bilan uchrashishni cheklash;

– Himoya vositalarida harakatlanish va gigienaga qattiq rioya qilish.

Rasmiylar, JSST bilan hamkorlikni yo'lga qo'yishi, shuningdek, mamlakatlar tomonidan ishlab chiqarilayotgan vakcinalarning effektini kuzatib borishini malum qilishdi.

Tomas Bax tadbir davomida barcha ishtirokchilarining sog'lig'ini muhofaza qilish bo'yicha muhim choralar ko'rilayotganini va Tokio o'yinlari keyingi global startlarga namuna bo'lishini takidladi. Eslatib o'tamiz, Tokio-2020 yozgi Olimpiya o'yinlari 2021 yilning 23 iyul – 8 avgust kunlari bo'lib o'tadi va unda 33 sport turida 339 ta medallar jamlanmasi o'ynaladi.