Tokio Olimpiadasi licenziantlari taqdirlandi (+FOTOGALEREYA)

Tadbirda O'zbekiston Respublikasi Bosh vazirining o'rinbosari, Turizm va sport vaziri Aziz Abduhakimov, Kasaba uyushmalari federaciyasi raisi Qudratilla Rafikov, Milliy Olimpiya qo'mitasi raisi Rustam SHoabdurahmonov, sport faxriylari, keng jamoatchilik vakillari va jurnalistlar  ishtirok etishdi.

So'z olganlar Prezident va hukumatimiz tomonidan sportni rivojlantirishga qaratilayotgan etibor xususida to'xtalib o'tishdi.

Tadbirda Kasaba uyushmalari tarkibida bo'lgan Tokio-2020 licenziatlari, jumladan, og'ir atletikachilar Akbar Jo'raev, Muattar Nabieva va Kumushxon Fayzullaeva, engil atletikachi Suhrob Xo'jaev, akademik eshkak eshuvchi Sobir Safaraliev Kasaba uyushmalari federaciyasi tomonidan 10 million so'mdan, ularning murabbiylari esa 5 million so'mdan pul mukofoti bilan taqdirlanishdi. O'z navbatida, yirik xalqaro musobaqalarda g'olib va sovrindorlar qatoridan joy olgan Muhammadqodir Toshtemirovga ham munosib etibor ko'rsatildi.

O'z navbatida, atletlarimiz muhtaram Prezidentimiz va hukumatimizning bunday etiboridan xursand ekanliklarini bildirib, kelajakda Yangi O'zbekiston uchun yangi g'alabalar taqdim qilishga vada berishdi.

Muallif: Alimurod Mamadaminov