01 avg 16:14
Yangiliklar

Tokio-2020, Olimpiya o'yinlari, Qiziqarli!

Tokio Olimpiadasiga bir yil qoldi. Rekord binolar va mablag'lar. Yaponiya poytaxti musobaqaga qanday tayyorlanmoqda? + FOTO

Teglar : Tokio-2020

Tokio Olimpiadasi keyingi yilning 24 iyul kuni boshlanadi.

Musobaqalar jami 42 ta inshootda tashkil etiladi. Bazilari yangi, bazilar esa Olimpiada-64 da foydalanilgan binolardir.

Tokio-64 ga hurmat hamda kelajak binolari

Tokio Olimpiadasida rekord miqdorda - 42 ta binolardan foydalaniladi. Ko'p arenalar bir-biriga yaqin joylashgan, bu esa muxlislar hamda sportchilarga yaxshigina qulaylik tug'diradi.

Olimpiya o'yinlari - 2020 kelajakka yo'l: robotlar, boshqaruvsiz transport, suniy yomg'irlar

Olimpiya shaharchasi ikki qismiga bo'lingan: birinchisi - ananaviy hudud, ikkinchisi - zamonaviy hudud. Birinchi hududda Olimpiada-64 musobaqasidan qolgan binolar hamda arenalar joylashgan bo'lsa, ikkinchi qismda zamonaviy arenalarni ko'rishingiz mumkin. Ikki hududning birlashishidan esa o'tmish hamda kelajak ramzini keltirib chiqarish mumkin.

Musobaqalardagi 42 ta binodan 24 tasi eski, 8 tasi yangi binolar, qolgan 10 tasi esa vaqtinchalik arenalar hisoblanadi. Olimpiada yakunlangandan so'ng ko'plab binolar tashlandiq bo'lib qolmasligiga XOQ qattiq umid qilmoqda. Sababi Rio-2016 dan so'ng ko'plab inshootlar keraksiz bo'lib qolgani mahalliy aholiga yoqmagan hamda ko'chalarda hukumatga qarshi akciyalar o'tkazgandi.

Bir necha hafta avval Tokio aholisi ham Olimpiya o'yinlarining moliyaviy budjeti katta bo'lib ketayotgani uchun norozilik akciyasini o'tkazgandi. Dastlab, umumiy hisobda Olimpiadaga 7 milliard dollar mablag' ajratilgandi, keyinchalik bu summa 12,6 milliarddan 20 milliardga ortib ketdi. Lekin, Yaponiya bu mablag'ni chiqarib olishi mumkin. CHunki mamlakatning turistik salohiyati juda yuqori hisoblanadi.

Eski stadioni buzib tashlashdi, yangisi bilan muammo chiqdi

Tokio aholisining noroziligiga yana bir sabab - asosiy maydonning qurilishi bo'ldi. Sababi, Olimpiada-1964da qurilgan stadioni buzib tashlab, uning o'rniga yangisini qurishmoqda.

Markaziy stadioning dastlabki loyihasi ingliz arxitektori Zaxa Xadid tomonidan ishlangandi, lekin stadion qurilishiga 2 milliard dollar kerakligi sababli bu loyihadan voz kechildi. Uning o'rniga mahalliy arxitektor Kengo Kuma tomonidan ishlab chiqilgan stadionni qurishni afzal ko'rishdi. Milliy stadion (rasmiy nomi) Olimpiya o'yinlarining ochilish hamda yopilish marosimi, shuningdek, engil atletika musobaqalari va futbolning final bahsi o'tkaziladi.