Tokiodagi Olimpiadaning ochilish va yopilish marosimlari soddalashtiriladi

Bu haqda “Tokio-2020” Tashkiliy qo'mitasining rasmiy saytida xabar qilindi.

“Marosimlar sportchilar va tomoshabinlar uchun avvalgidek bayram bo'ladi, ammo Olimpiya o'yinlarini umumiy soddalashtirish hamda COVID-19ga qarshi kurash choralarini ko'rish zaruratidan kelib chiqqan holda anchayin sodda va vazmin yondashuv ishlatiladi”, – deyiladi Tashkiliy qo'mita axborotida.

Bu marosimlarni tashkil etish bilan besh kishidan iborat bo'lgan yangi ijodiy guruh shug'ullanadi. Ana shu guruh tarkibida avvalgisidan faqat Xirosi Sasaki qolgan. Yangi guruh chegaralangan vaqtda tayyorgarlik ishlarini tezroq va samarali amalga oshirishi kerak. Guruh oldiga marosimlarni koronavirus pandemiyasi bo'yicha jahon tajribasini hurmat bilan ifoda qilish vazifasi qo'yilgan.

Olimpiya o'yinlarining tantanali ochilish marosimi 2021 yil 23 iyulda, yopilishi esa 8 avgustda o'tishi rejalashtirilgan.