Tomu Torini tabriklaymiz!

O'zbekiston va Yaponiya davlatlari o'rtasidagi do'stona aloqalar sport sohasida ham izchil davom etmoqda. Jumladan, dzyudo vatani Yaponiyadan kelgan tajribali mutaxassis, dunyoga mashhur Kodokan maktabi tarbiyalanuvchisi, xalqaro yo'riqchi (instruktor) Tomu Tori ham ana shu hamkorlik doirasida qariyb yarim yildan beri yurtimizda faoliyat yuritmoqda. Kunchiqar yurt murabbiyi faoliyati davomida orttirgan tajribasini barcha yosh toifasidagi terma jamoalarimiz azolariga ulashmoqda.    

- O'zbekistonga ilk bor 2002 yili kelgandim. O'shanda sportchi edim. Hozir esa murabbiy sifatida yurtingizda bo'lib turibman. Taassurotlarim kutganimdan ham alo. O'zbekiston dzyudosi barcha davrlarda qita va jahonda o'z o'rniga ega bo'lgan. Dunyoda ham o'zbekistonlik dzyudochilarga alohida hurmat bilan qarashadi. Olimpiada va jahon chempionatlarida dzyudochilaringiz medallar uchun davogarlar qatorida etirof etiladi. Men bu erga O'zbekiston dzyudosi rivojiga yordam berish uchun kelganman. O'ylaymanki, bu missiyani sharaf bilan uddalayman. Kodokan maktabida olgan bilimlarim, sportchilik faoliyatim davomida orttirgan tajribalarimni mahalliy yoshlarga ulashaman, - deydi bugungi kun qahramoni.  

Fursatdan foydalanib, O'zbekiston dzyudo federaciyasi rahbariyati, murabbiylar shtabi va dzyudochilar nomidan Tomu Torini bugungi tavallud ayyomi bilan muborakbod etamiz.