Topuriya va Pimblett UFC raqamli turnirining markaziy jangini o'tkazishi mumkin

"Mening javobim – ha! Bu juda katta jang. Hamma mendan "keyin nima bo'ladi?" deb so'rayapti. SHuni aytishim mumkinki: bu yoqimli muammo. Jastin Getji yoki Peddi Pimblett? Ulardan qaysi biri Topuriyaga raqib bo'lmasin, biz baribir yutamiz", – dedi tashkilot rahbari UFC on Paramount muxbirining savoliga javob berar ekan.

UFC`ning engil vazn toifasidagi amaldagi chempioni Jastin Getji joriy yilda oktagonga qaytmasligi aniq ekanligi va u tez-tez faoliyatini yakunlash haqida gapirayotganini hisobga olsak, Iliya Topuriya va Peddi Pimblett o'rtasidagi jang eng ehtimoliy variant bo'lib ko'rinmoqda. Ayniqsa, Dana Uayt so'nggi bir necha kun ichida bu imkoniyatni ikki marta tilga oldi.

O'tgan hafta Topuriya Getjiga qarshi birlashtiruvchi jangdagi mag'lubiyatidan so'ng saqlab kelgan deyarli uch oylik sukunatni buzdi va oktagonga qaytish niyatida ekanligini malum qildi. UFC prezidenti esa uning jamoasi "El Matador" bilan muzokaralar olib borayotganini tasdiqladi.

Ayni damda tashkilot o'zining raqamli shoulari uchun chempionlik janglarini topishda qiyinchiliklarga duch kelmoqda, shu bois britaniyalik va ispan-gruzin jangchilari o'rtasidagi to'qnashuv Nyu-Yorkdagi noyabr oyida bo'lib o'tadigan UFC 334 yoki Las-Vegasdagi dekabr oyidagi UFC 335 turnirining markaziy jangi bo'lishi ehtimoli yuqori.