30 okt 11:56
Yangiliklar

Kurash

To'raqo'rg'onda yosh polvonlar bellashmoqda + FOTO

Bugun 30 oktyabr kuni Namangan viloyatining To'raqo'rg'on tumanidagi bolalar-o'smirlar sport maktabida belbog'li kurash bo'yicha 2003-2004 yillarda tug'ilgan o'g'il bolalar va qizlar o'rtasida O'zbekiston chempionati boshlandi.

O'zbekiston Respublikasi Jismoniy tarbiya va sport vazirligi hamda O'zbekiston belbog'li kurash federaciyasining yillik taqvim-rejasidagi mazkur chempionatda Qoraqalpog'iston Respublikasi, Toshkent shahri va barcha viloyatlardan 300 nafarga yaqin sportchilar ishtirok etishmoqda.

Dastlab, musobaqaning tantanali ochilish marosimi tashkil etildi.

Bayramona bezatilgan sportzalida o'tgan ochilish marosimida ishtirok etgan O'zbekiston Belbog'li kurash federaciyasi raisi Ravshan Dastirov, Namangan viloyat jismoniy tarbiya va sport boshqarmasi boshlig'i SHokirjon Karabaev, To'raqo'rg'on tuman hokimi o'rinbosari Muzaffar Usmonovlar o'z tabrik so'zlarida mamlakatimizda jismoniy tarbiya va sportga berilayotgan yuksak etibor haqida takidlab o'tishdi va musobaqa ishtirokchilariga omad tilashdi.

SHundan so'ng bellashuvlarga start berildi.

Eslatib o'tmiz, mazkur chempionatda o'g'il bolalar belbog'li kurashning erkin va klassik yo'nalishlarida 11 ta vazn toifasida kuch sinashishsa, qizlar erkin yo'nalishda 7 ta vazn toifasida g'oliblik uchun bahs olib borishadi.