To'rt nafar sambochimiz finalga yo'l oldi

Hozircha musobaqada saralash bahslari ortda qoldi. Quvonarlisi, bahslarda qatnashayotgan sambochilarimizning to'rt nafari final bosqichi yo'llanmasiga ega chiqdi. 

-64 kg vaznli hamyurtimiz Homidjon Mo'minov musobaqa davomida Belarus va Armaniston vakillarini mag'lubiyatga uchratib, oltin medal uchun kurashish imkoniga ega bo'ldi. 

-71 kg vaznli Sarbon Ernazarov Qozog'iston va Franciya vakillarini mag'lub etdi. 

-79 kg vazn toifasidagi sportchimiz Ulug'bek Rahmonov Bolgariya va AQSH vakillaridan ustun keldi. 

-88 kg vaznli Ixtiyor Eshmurodov Marokash va Tojikiston sambochilarini taslim etdi. 

Endi yuqoridagi to'rt nafar sambochimiz kechki dasturda oltin medallar uchun kurash olib boradi. 

Final bellashuvlari Toshkent vaqti bilan soat 19:00dan so'ng boshlanadi.