02 sen 18:57
Yangiliklar

Xokkey

"Toshkent" bolalar xokkey klubi taqdimoti o'tkazildi + FOTO

O'zbekiston Respublikasi Mustaqillik bayramining 30 yilligi arafasida “Humo Arena” ko'p tarmoqli muz koshonasida “Toshkent” bolalar xokkey klubining taqdimot marosimi bo'lib o'tdi.

40 nafardan oshiq xokkey ixlosmandlarini o'z safida birlashtirib turgan jamoada 7 yoshdan 12 yoshgacha bo'lgan bolalar sevimli mashg'ulotlari bilan shug'ullanib kelmoqda. Hali respublikadan tashqari biror turnirlarda ishtirok etishmagan bo'lishsada, rejalari katta. Eng muhimi, bolalarda sportga, xokkeyga bo'lgan ishtiyoq kuchli.

Taqdimot marosimida xokkey mutaxassislari bilan birga bolalar, ularning ota-onalari, qiziquvchilar muz kortiga jam bo'lishdi. Turli yoshdagi bolalar o'rtasida o'tkazilgan bellashuvlarda “Eng yaxshi o'yinchi”, “Eng yaxshi hujumchi”, “Eng yaxshi himoyachi”, “Eng yaxshi darvozabon” kabi nominaciyalarda Damin Fatxiev, Miloslav Damirov, Amir Isxakov, Ilmar Xamzin, Serafim Gaklkin , Matvey Ilyasov, Danis Xashimov, Matvey Papijuk, Vladimir Veselov, Amal SHangaraev, Sergey Raxmanov kabi yosh xokkeychilar etirof etildi.

Foto: Alimurod Mamadaminov