Toshkentda jahon futboli afsonalari ishtirokida sport bayramlari o'tkaziladi

2 sentyabr kuni soat 18:00 da “Humo Arena”da futzal bo'yicha O'zbekiston Superkubogi-2026 uchrashuvi bo'lib o'tadi. Unda mamlakatning amaldagi chempioni BMB PFC va Superliga finalchisi SQB PFC jamoalari bahs olib boradi.

Superkubok uchrashuvi doirasida jahon va o'zbek futboli afsonalari ishtirokida maxsus dastur ham tashkil etiladi.

3 sentyabr kuni soat 18:00 da esa “Bunyodkor” stadionida Jahon futboli afsonalari — O'zbek futboli afsonalari o'rtoqlik uchrashuvi o'tkaziladi.

Jahon futboli afsonalari tarkibida yaqin o'tmishning mashhur yulduzlari — Xulio Sezar, Marko Materacci, Jerom Boateng, Michel Salgado, Kristian Zakkardo, Esteban Kambyasso, Rikardo Kuarejma, Uesli Sneyder, Oskar, Kevin Kurani va Vinchenco Yakvinta maydonga tushishi kutilmoqda.

Tashkilotchilarning malum qilishicha, Toshkentdagi futbol bayramida yana bir jahon chempioni va “Oltin to'p” sohibi ishtirok etishi ham kutilmoqda. Uning nomi tadbirga yaqin kunlarda malum qilinishi rejalashtirilgan.

CHiptalar tez kunlarda “Humo Arena” hamda "Bunyodkor" stadioni kassalarida tarqatilishi malum qilingan.

Tadbirlar O'zbekiston futzal federaciyasi hamda O'zbekiston futbol associaciyasi tomonidan tashkil etilmoqda.