Toshkentda og'ir atletika bo'yicha o'smirlar va yoshlar o'rtasidagi Osiyo chempionati yakunlandi, eng yaxshilar taqdirlandi + FOTO

Qitamizning 30 dan ortiq mamlakat vakillari ishtirok etgan mazkur musobaqa Tokio Olimpiadasi yo'llanmalari uchun qimmatli reyting ochkolarini taqdim qildi.

Musobaqa yakunlangach mazkur qita birinchiligining tantanali yopilish marosimi bo'lib o'tdi. Unda ananaga muvofiq barcha toifalarda eng yaxshilar aniqlab olindi. Ahamiyatlisi, terma jamoamiz musobaqa yakuniga ko'ra yoshlar toifasida ham yigitlar, ham qizlar, o'smirlar klassifikaciyasida esa yigitlar o'rtasida ochkolar bo'yicha eng yaxshi jamoa deya qayd etildi. Yigitlarimiz turnir davomida 3 ta oltin, 6 ta kumush va 7 ta bronza medallarini qo'lga kiritgan bo'lishsa, qizlarimiz 13 ta oltin, 5 ta kumush va 2 ta bronza medallarini jamg'arishdi.

Yana bir jihat, turnir davomida o'smirlar o'rtasida 6 ta jahon rekordi o'rnatildi va yangilandi. SHuningdek, tadbirda Osiyo chempionatining eng yaxshi sportchilari nomi ham elon qilindi. Yopilish marosimida yangragan kuy-qo'shiqlar shahrimiz mehmonlarining kayfiyatini yanada ko'tardi.

Takidlash joiz, O'zbekiston og'ir atletika federaciyasi qisqa fursat ichida 2 yirik musobaqalarga puxta tayyorgarlik ko'rdi va uni yuqori saviyada tashkil qildi. Buni Xalqaro og'ir atletika federaciyasi mutasaddilari ham turnir davomida etirof etishdi.

Matn: MOQ matbuot xizmati

Suratlar muallifi: Alimurod Mamadaminov