Toshkentda Osiyo chempionlar ligasi musobaqasi start arafasida

Toshkentda ilk bor tashkil etilayotgan ushbu nufuzli turnirda qitamizning 6 ta jamoasi ishtirok etadi. Ular orasida O'zbekiston, Eron, Qozog'iston va Hindiston jamoalari g'oliblik uchun asosiy davogar bo'lib turibdi.

Gandbol bo'yicha Osiyo chempionlar ligasi o'z tarixida ikkinchi bor o'tkazilyapti. Uning dastlabkisi Qozog'istonning Qizil-O'rda shahrida bo'lib o'tgandi. Yurtimiz sport sharafini “AGMK” hamda “Uzbechka” jamoalari himoya qiladi.

Turnirning tantanali ochilish marosimi 23 sentyabr kuni soat 18:00da boshlanadi. Birinchi o'yin esa ertaga soat 14:00da Qozog'istonning “ILE” hamda O'zbekistonning “AGMK” jamoalari o'rtasida bo'lib o'tadi.