Toshkentda o'tadigan og'ir atletika bo'yicha xalqaro musobaqalar yaqinlashmoqda

Mazkur musobaqalar “O'zbekiston” sport majmuasida bo'lib o'tadi. Har ikki turnir Tokio Olimpiadasi uchun muhim reyting ochkolari taqdim etishi bilan yanada ahamiyatlidir. Dunyoning 62 davlatidan jami 322 nafar sportchi Xalqaro birdamlik musobaqasida ishtirok etadi. Ularning orasida bir qator nomdor og'ir atletikachilarning yurtimizga tashrif buyurishi kutilmoqda.

Musobaqa ishtirokchilari orasida o'zbek sporti muxlislari uchun eng etiborli nom 4 karra jahon chempioni qozog'istonlik Ilya Ilindir (-96 kg). Boisi ushbu sportchi yaqin yillar davomida Ruslan Nurudinov bilan har bir yirik musobaqalarda oltin medal uchun o'ta shiddatli raqobat olib borgan. Birgina misol, 2014 yil Qozog'istonning Olma-ota shahrida o'tgan jahon chempionatida Ruslan va Ilya nafaqat oltin medal uchun raqobatlashgan, balki ularning so'nggi chiqishlari ketma-ket jahon rekordlariga ulanib ketgan edi.

SHuningdek, yaqinlashib kelayotgan musobaqada Rio Olimpiadasi va Xyustonda (2015) o'tgan jahon chempionati g'olibi qozog'istonlik Nijat Rahimov (-81 kg), turkiyalik Olimpiada va jahon chempionati sovrindori Daniyar Ismailov (-73 kg), yana bir qozog'istonlik Olimpiada sovrindori Denis Ulanov (-81 kg) yana bir bor shohsupaga ko'tarilishga harakat qiladi. Ayollar o'rtasida esa turkmanistonlik Yulduz Jumaboeva (-49 kg), qozog'istonlik Zulfiya CHinshanlo (-55 kg) kabi etakchilar nomi ro'yxatdan o'tish uchun keltirib o'tilgan.

SHubhasiz, bu borada o'zimizning ham nomdor polvonlarimizni sanab o'tishimiz mumkin. Kutilganidek, Xalqaro birdamlik musobaqasida Tokio Olimpiadasining kashfiyoti bo'lishi kutilayotgan Adhamjon Ergashev, Akbar Jo'raev, Muattar Nabieva kabi og'ir atletikachilarimiz o'zbek sporti muxlislariga quvonch bag'ishlashga harakat qilishadi. SHu o'rinda kattalar o'rtasida o'tkaziladigan musobaqada ishtirok etuvchi terma jamoamiz tarkibini tanishtirib o'tsak.

Erkaklar:
-55 kg: Og'abek Nafasov
-67 kg: Nurdiyor Abduhalilov
-73 kg: Adhamjon Ergashev
-73 kg: Doston Yoqubov
-81 kg: Hakimjon SHamsiddinov
-81 kg: Muhammadqodir Toshtemirov
-89 kg: Sarvarbek Zafarjonov
-89 kg: Zarruh Huseynov
-96 kg: Azimjon Hojiev
-96 kg: SHarofiddin Amriddinov
-102 kg: Mirhosil Mirzaboev
-102 kg: Umarbek SHohnazarov
-109 kg: Akbar Jo'raev

Ayollar:
-49 kg: Ozoda Hojieva
-49 kg: Dinara Roziqova
-55 kg: Muattar Nabieva
-55 kg: Nigora Abdullaeva
-55 kg: Jamila Panfilova
-59 kg: Madinabonu Jo'raeva
-59 kg: Barchinoy Eshqulova
-64 kg: Kumushxon Fayzullaeva
-64 kg: Fotima Habibulloeva
-71 kg: Nigora Suvonova
-71 kg: Layloxon Xursanova

Zaxira:
-76 kg: Tursunoy Jabborova
+87 kg: Dolera Davronova

Ayni paytda Qatar, Botsvana, Suriya, Afg'oniston, Falastin kabi terma jamoa vakillari yurtimizga etib kelishgan va O'zbekiston og'ir atletika federaciyasiga qarashli zalda musobaqaga hozirlik ko'rishmoqda.