Toshkentda "O'zbek polvoni" kurash musobaqasi

O'zbekiston Respublikasi Prezidentining 2020 yil 4 noyabrdagi “Kurash milliy sport turini rivojlantirish va uning xalqaro nufuzini yanada oshirish chora-tadbirlari to'g'risida”gi 4881-sonli qarori “Yo'l xaritasi” ning 6-bandiga muvofiq  o'tkazilayotgan bu musobaqadan maqsad davlat organlari, muassasalari va tashkilotlari xodimlari o'rtasida kurashni yanada ommalashtirish bu orqali xodimlarining jismoniy rivojlanishini takomillashtirish, jismoniy tarbiya va ommaviy sportga, milliy sportimiz kurashga bo'lgan qiziqishlarini oshirish,  kurashni umumxalq sporti sifatida keng targ'ib etishdir.

 “O'zbek polvoni” musobaqasi gilamida erkaklar 73 kg, 81 kg, 90 kg, 100 kg  +100 kg  vazn toifasida, ayollar 3 ta 57 kg, 63 kg, 78 kg vazn toifalarida kurash olib bordilar.  

Musobaqaning nomlanishida ham ramziy mano bordek. “Polvonlari ko'p yurt qudratli bo'lur” deganlaridek bu musobaqa jamiyatimizning turli jabhalarida faoliyat olib borayotgan  kishilarni o'zida birlashtirdi. Bu orqali O'zbekiston polvonlar yurti ekanligi, polvonlik kasb, soha, yosh tanlamasligi  yana bir bor isbotini topmoqda.

Musobaqada respublikamizni barcha viloyatlaridagi 25 dan ortiq vazirlik va tashkilotlaridan 100 yaqin polvonlar gilamga chiqdi.

G'olib va sovrindorlar tashkilotchilar tomonidan sertifikat, medal va esdalik sovg'alari bilan taqdirlandi.

Tadbirdan suratlarni tomosha qiling. FOTO: Alimurod Mamadaminov