Toshkentda “Sabantuy” bayrami doirasida koresh (tatar koresh) bo'yicha musobaqa o'tkazildi

Bayram doirasida bog' markazida Xalqaro Koresh federaciyasi (tatar koresh) tashabbusi bilan erkaklar o'rtasida turnir tashkil etildi. Bellashuvlar Xalqaro Koresh federaciyasi (tatar koresh) qoidalari asosida o'tkazildi. 

Musobaqani xalqaro toifali hakamlar boshqardi: bosh hakam — Ruslan Mamatov (Rossiya), Ismoil Bekmuhammedov (Rossiya) va SHavkat Mirzaqulov (O'zbekiston). Tomoshabinlar har bir bellashuvni katta qiziqish va zavq bilan kuzatib borishdi.

Bellashuvlarga jahon chempionati sovrindori, dzyudo bo'yicha jahon vice-chempioni, sumo bo'yicha jahon chempioni Xabil Biktashevning tashrifi ishtirokchilarda katta taassurot qoldirdi.

G'olib va sovrindorlar:

-75 kg vazn toifasi

1. Ortiqjon Yuldoshev

2. Kamron Namozboev

3. Javlon Erkinboev

3. Mansur Abdullaev

-90 kg vazn toifasi

1. Husan Abdurahimov

2. Diyor SHodmonov

3. Diyor Xudoyberganov

3. Diyor Maxsutboev

+90 kg vazn toifasi

1. Islom Nosirov

2. Ilyos Mirzahmetov

3. Umid Xolmatov

3. Zaylobiddin Ortiqov

Musobaqa yakunida bog'dagi sahnada tantanali taqdirlash marosimi o'tkazildi. G'olib va sovrindorlar Xalqaro Koresh federaciyasi tomonidan medallar va qimmatbaho sovg'alar bilan taqdirlandi.

+90 kg vazn toifasida birinchi o'rinni qo'lga kiritgan va musobaqaning mutlaq g'olibi bo'lgan Islom Nosirovga ananaga ko'ra qo'chqor sovg'a qilindi.

Tantanali marosimda quyidagi faxriy mehmonlar ishtirok etishdi:

— Xalqaro Koresh federaciyasi boshqaruv raisi, sport ustasi, iqtisod fanlari nomzodi Ravil Nogumanov (Rossiya);

— Tatar madaniyat markazi raisi, iqtisod fanlari doktori, professor Rishat Nabiullin;

— uch karra Olimpiya o'yinlari ishtirokchisi, Osiyo o'yinlari chempioni Ravil Nachaev;

— Xalqaro Koresh federaciyasi prezidentining maslahatchisi, adliya generali Erkin Abzalov;

— Osiyo belbog'li kurash konfederaciyasi prezidenti Mo'min Muratov;

— O'zbekiston belbog'li kurash federaciyasi raisi Ravshan Dastirov;

— klassik kurash bo'yicha jahon chempioni Kamil Fatxullin.

Ilhom Rahmonov tayyorladi