01 mar 07:20
Yangiliklar
Toshkentdagi boks oqshomida ishlagan mashhur ring-anonser qaytmoqda
20-dekabr kuni taniqli ring-anonser David Diamante mototcikl falokatida og'ir jarohat olgandi. O'shandan beri u o'z odatiy hayotini tiklash uchun tinimsiz mehnat qildi. 5 mart kuni u San-Diegodagi "Pechanga Arena"da bo'lib o'tadigan Roman Gansales - Xulio Sezar Martines jang oqshomida ringga qaytadi.
«Hayot sizga og'ir zarbalar olishingizga qaramay yashashni o'rgatadi»
David hayotidagi so'nggi burilish haqida shunday deydi:
"Ellik yoshga to'lgan kunimni nishonlagandan bir necha hafta o'tib, qayta yurishni o'rganish va hayotda boshimdan kechirgan eng dahshatli baxtsiz xodisadan xalos bo'lish bilan shug'ullanaman deb o'ylamagandim. Yil oxirida do'stlar va oila azolarim bilan bayram bo'lishi kerak edi. Ammo, hayotning men uchun boshqa rejalari bor ekan.
2021 yil 20 dekabr kuni hayotim o'zgardi. Men mototcikl falokatida og'ir jarohat oldim.
Men to'xtab turgan furgonga urildim va tanamni ikkiga bo'linib ketgandek his qildim. Og'ir ahvolda edim. Umurtqa pog'onam 4 ta joyidan singan va tizzamdagi og'ir jarohatdan tashqari bir nechta qovurg'am ham singan edi. Bu davr orasida aqldan ozadigan darajada afsuslar bilan hayot kechirdim. Hayotda men qo'rqadigan narsalar ko'p emas. Ammo, shol bo'lib, o'zimni eplay olmaslik - qo'rquvlarimdan biri.
Odamlar mendan hol-ahvol so'rashsa, yaxshiman, deyman. Hamisha og'riq bor. Paypoqlarimni kiyish, stulda o'tirish, erdan narsalarni olish birdaniga juda qiyin ishga aylandi. Men o'zimga vada berdim, bu jarohatdan boshqalarga qaraganda juda tez tuzalib ketaman. Va men buni uddaladim.
Har bir sovg'a, maktub, telefon qo'ng'irog'i, sevgi va dalda taklif etilgan xabarnomalar men uchun mazmunli bo'ldi. Men ularning barchasi uchun chin dildan minnatdorman. Qalbim shukronalik bilan to'ldi.
Meni hali ham yangi qoidalarni o'rganyapman. Bu jarayonda qayta tiklanyapman va o'syapman. Kuchli og'riqlarga qaramay yana yurishni o'rganish hayotimdagi eng katta yutuqlardan biri bo'ldi. 5 mart kuni San-Diegodagi jahon chempionligi uchun kechadigan jangni elon qilish maqsadida yana ringga chiqishim haqidagi xabarni sizlar bilan baham ko'rishdan xursandman. Ring kanatlaridan o'tish jismoniy jihatdan qanchalik qiyin bo'lmasin, men uchun sizlar tasavvur qilganingizdan ham ko'proq narsani anglatadi", - dedi Diamante.
Fikrlar