Toshkentdagi IBA oqshomida amerikalik mashhur bokschi ringga chiqadi (Poster)

Tashkilotchilar musobaqadan o'rin olgan navbatdagi jangni elon qildi.

Unga ko'ra, og'ir vazn toifasida amerikalik taniqli charm-qo'lqop ustasi Maykl Xanter oqshom doirasida ringga chiqadi. Unga Rossiya vakili Artyom Suslyonkov raqiblik qiladi.

Malumot o'rnida, Xanter prof faoliyati davomida 24 ta jang o'tkazib, 21 ta g'alaba, 1 ta mag'lubiyat va 2 ta durang qayd etgan. U turli yillarda Aleksandr Usik, Aleksandr Ustinov, Aleksandr Povetkin bilan jang qilgan. Xanter faoliyati davomida WBA Intercontinental va IBO Intercontinental kamarlarini qo'lga kiritgan.

Artyom Suslyonkov esa jami 10 ta jang o'tkazib, ularning barchasida zafar quchgan.

Avvalroq, Toshkentdagi "IBA CHempionlar oqshomi"ning markaziy jangi Hasanboy Do'smatov hamda ispaniyalik Samuel Karmona o'rtasida IBA kamari uchun o'tkazilishi haqida xabar bergan edik.