Toshkentdagi Osiyo chempionatida Olimpiada chempionlari ham ishtirok etadilar

30 aprel - 7 may kunlari Toshkent mezbonlik qiladigan boks bo'yicha qita chempionatida Rio Olimpiadasi qahramoni bo'lgan o'zbek bokschilari ham ishtirok etishlari kutilmoqda.

Malum bo'lishicha, turnirda Hasanboy Do'smatov, SHahobiddin Zoirov, SHahram G'iyosov, Bektemir Meliqo'ziev va Murodjon Ahmadaliev kabi sportchilarimiz O'zbekiston sharafini himoya qiladilar. 

Musobaqada 10 ta vazn toifasida janglar tashkil qilinadi. Xitoy, Hindiston, Eron, Iordaniya, Qozog'iston, Janubiy Koreya, Mog'uliston, Pokiston, SHri-Lanka, Tojikiston va O'zbekiston terma jamoalari turnirda to'liq tarkib bilan ishtirok etadilar. 

CHempionatda shuningdek Rio-2016 da medallar qo'lga kiritgan Vasiliy Levit (Qozog'iston), Dorjinambu Otgondalay (Mog'uliston) kabi sportchilar ham qatnashadilar. 

2015 yilgi Dohada bo'lib o'tgan jahon chempionatida sovrindor bo'lgan 12 nafar osiyolik bokschidan 7 nafari ushbu turnirda qatnashishi kutilmoqda. 

Toshkentda bo'lib o'tadigan Osiyo chempionati shu yili Gamburgda o'tkaziladigan jahon chempionatiga saralash vazifasini ham bajaradi. Dunyo birinchiligida Osiyo nomidan 60 nafar bokschi qatnashishi kutilmoqda. Bu degani har bir vazn toifasidan 6 nafar osiyolik bokschi jahon chempionatida qatnashadi.

Eslatib o'tamiz, Toshkent boks bo'yicha qita chempionatiga uchiinchi marotaba mezbonlik qilmoqda. Bungacha poytaxtimiz 1995, 1999 yillarda mazkur turnirni qabul qilgandi.

Manba: Osiyo boks konfederaciyasi rasmiy sayti. 

Ingliz tilidan Aziz To'xtamurodov tarjima qildi