Triatlon sporti rivojlanishning yangi bosqichiga qadam qo'ymoqda

Uning yozgi Olimpiya o'yinlari dasturiga kiritilganidan boxabar ekanliklarini-ku aytmasa ham bo'ladi. SHunga yarasha ushbu sportning ommabopligi va rivoji ham u qadar ulkan bo'lmagan. Biroq so'nggi paytlar muxlislar ushbu sport turi haqida ko'proq malumotga ega bo'lishmoqda va yurtimizda o'tkazilayotgan triatlon turnirlari uning ravnaqi yanada jadal suratlarda borishini taminlamoqda.

Kuni kecha Toshkentda o'tkazilgan Markaziy Osiyo triatlon associaciyasining yig'ilishi mintaqadagi federaciyalarning o'zaro jamjihatlikda faoliyat olib borishi, hamkorilkda xalqaro musobaqalar tashkil etish kabi ustuvor maqsadlarni o'zida mujassamlashtirdi. Yig'ilish davomida kelasi yilning 3 may kuni CHimkent-Toshkent yo'nalishi bo'yicha ilk xalqaro musobaqa o'tkazish bo'yicha qaror qabul qilingan edi. 

Ayni paytda ushbu musobaqaning nizomi ishlab chiqilmoqda. Unga ko'ra, ishtirokchilar CHimkent shahrida start olib, ushbu shaharda suzish bellashuvi o'tkaziladi. Suzish bahsidagi masofa 1, 1.1 yoki 2 kilometr, undan so'ng CHimkentdan Toshkentgacha 111 yoki 121 kilometrlik velopoyga va nihoyat shahrimizning o'zida 11 kilometr masofaga yugurish poygasi bo'lishi ko'zda tutilgan. Hozirda bahslarning qaysi yo'nalish va ko'chalar bo'ylab o'tishi ko'rib chiqilmoqda.

Mazkur musobaqa 4 oktyabr sanasida Markaziy Osiyo davlatlari o'rtasida triatlonni yanada rivojlantirish, milliy federaciyalararo o'zaro hamkorlikni kuchli yo'lga qo'yish, birgalikda xalqaro musobaqalarni o'tkazish bo'yicha imzolangan memorandumning amaldagi ilk namunasi bo'ladi.