"U Ali, Tayson, Lyuis va Klichko bilan birga tarixda qoladi"

Og'ir vazn toifasida WVC chempioni Tayson Fyuri boks afsonalari Muhammad Ali, Mayk Tayson, Lennoks Lyuis va Vladimir Klichko bilan birga tarixda qoladi. Uning murabbiyi SHugar Xill Styuard bunga ishonadi.

"O'ylaymanki, Fyuri Lyuis, Klichko, Ali, Tayson va boshqa barcha og'ir vazn toifasidagi bokschilarga xos xususiyatlarga ega. Unda barcha xususiyatlar hamda psixologik chidamlilik bor", - dedi Styuard Daily Mail nashriga bergan intervyusida. - Tayson - maxsus bokschi va u boks tarixida alohida o'rin tutadi".

Fyuri va Styuard hamkorlikni 2019 yilda Deontey Uaylderga qarshi ikkinchi jang oldidan boshlagandilar. Fyuri nafaqat tajribali bokschi, balki xavfli zarba beruvchi ham edi. Va endi Fyuri, murabbiyning so'zlariga ko'ra, 9 oktyabrda bo'lib o'tadigan Uaylderga qarshi uchinchi jangida bundan ham ko'prog'ini ko'rsatishga tayyor.

"Agar Tayson bizga ertaroq kelganida, (u 25 yoshida edi), u ancha oldinroq kuchli zarba bergan bo'lardi", - dedi Styuard. - Lekin u allaqachon ajoyib mavqega ega. Biz unda borlaridan biron narsa chiqarmaymiz. Biz boshqa narsalarni sinab ko'ramiz, ularni iloji boricha samarali o'rganamiz va qo'llaymiz. Uaylder bilan ikkinchi jang oldidan u tezda ko'p narsani o'rgandi", - deya qo'shimcha qildi murabbiy. - Mening vazifam - Tayson Fyurining eng yaxshi versiyasiga erishish. Biz bu jangni sabrsizlik bilan kutmoqdamiz, chunki u nihoyat ringga ko'tarilib, jamoatchilik bilmagan mahorat va istedodlarini namoyish qila oladi", - dedi murabbiy.