Uaylder muddatidan avval g'alabaga erishib, kamarini himoya qildi

Oqshomning markaziy jangida superog'ir vazn toifasining WBC yo'nalishida jahon chempioni amerikalik 30 yoshli Deontey Uaylder hamyurti 35 yoshli Kris Arreolaga qarshi ringga ko'tarildi.

Uaylder to'rtinchi himoya jangida ham muddatidan avval g'alabaga erishdi. Jangning sakkizinchi raundidan so'ng Arreolaning murabbiylari jangni davom ettirishdan foyda yo'qligini bildirishdi va mag'lubiyatni tan olishdi. Bu paytga kelib Krisning chap ko'zi gematoma natijasida deyarli ko'rmay qolgandi.