Uaylder va Joshua vakillari kelasi yil jang o'tkazish uchun muzokaralar olib borishmoqda

Bokschilarning vakillari Deontey Uaylder va Entoni Joshua kelasi yilda jang qilishlari uchun muzokaralar olib borishmoqda, deb xabar bermoqda taniqli jurnalist Maykl Benson.

Bensonning so'zlariga ko'ra, bokschilarning vakillari allaqachon bir-birlari bilan bog'lanishgan va elektron pochta orqali jangni muhokama qilishmoqda.

So'nggi jangida Entoni Joshua ukrainalik bokschi Aleksandr Usikka mag'lub bo'lgan edi. Bu jangchilarning ringdagi ikkinchi to'qnashuvi edi. Usik ilk jangda ham g'alaba qozongan edi.

Deontey Uaylder esa so'nggi jangida birinchi raund tugashiga uch soniya qolganida Robert Xeleniusni nokautga uchratgan edi.