08 dek 09:32
Yangiliklar

Dzyudo

Uch nafar referimiz xalqaro V toifasiga ega bo'ldi

Livanning Bayrut shahrida o'tkazilgan o'smirlar va yoshlar o'rtasidagi Osiyo chempionatida uch nafar referimizning hakamlik qilgani haqida xabar bergan edik.

Soib Qurbonov, Ismoil Qurbonov, Dilyara Berdieva qita chempionati doirasida qitaviy V toifasi uchun imtihon topshirishdi va undan muvaffaqiyatli o'tishdi.

Bu toifa ularga Jahon Kubogi, Evropa Kubogi, Osiyo Ochiq Kubogi, Osiyo chempionati va xalqaro musobaqalarda hakamlik qilish huquqini beradi. Uch yildan so'ng hakamlarimiz A toifasi uchun imtihon topshirishlari mumkin bo'ladi. A toifasi esa referilarga Gran-pri, "Katta Dubulg'a", jahon chempionati va Olimpiadada hakamlik qilish imkoniyatini taqdim etadi.

Malumot uchun, ayni paytda Ramziddin Saidov va Vyacheslav Pereteyko olimpiya toifasidagi hakamlarimiz hisoblanishadi. Saidov Tokio Olimpiadasi, Pereteyko esa Paralimpiya o'yinlarida hakamlik qilgandi.