UEFA "Roma" va "Aston Villa"ni jazoladi

UEFA moliyaviy nazorat organi (CFCB) 2023/24 yilgi mavsum davomida tekshiruv ostida bo'lgan klublarga baho berishni yakunladi.

CFCB ilk navbatda Cost Squad deb nomlangan kriteriya orqali klublarga baho berdi. 2023 yilda klublar tarkib - futbolchilar, murabbiylar, transferlar va agentlar uchun ishlatilgan xarajatlar 90 foiz yoki undan past bo'lgani borasida hisobotlar taqdim qilishi kerak bo'lgandi. Keyinchalik bu nisbat 2024 yilda 80 foizga, 2025 yilda esa 70 foizga tushadi.

2023/24 yilgi mavsumda tarkibning ichidagi xarajatlar 90 foizdan past bo'lganini barcha klublar malum qilgan. Biroq ikki klub CFCB dastlabki palatasi tomonidan "Aston Villa" (60 ming evro) hamda "Marsel"ni (20 ming evro) hisobotlarni o'z vaqtida taqdim qilmagani uchun kichik miqdorda jarimaga tortildi.

O'nta klub bilan kelishuv bitimlari esa monitoring rejimiga tushirildi. "Milan", "Inter", "Monako", "Marsel" va PSJ kabi klublar 2023 yil davomida belgilangan vaqt davomida vazifalarni to'laqonli bajarib kelishgan. "Roma" esa 2023 moliyaviy yilida belgilangan miqdordan ko'proq pul ishlatgan va shu sababli 2 mln evro jarimaga tortildi.