UFC 2025 yil uchun aqldan ozdiradigan megajang tayyorlamoqda

UFC rahbari Dana Uaytning aytishicha, kechadan MMA muxlislarini aqldan ozdirib qo'yadigan darajada megajang tashkil etish ishlari boshlangan. Bu haqda u UFC on ESPN 63 turniridan keyingi matbuot anjumanida xabar bergan.

"Hozir men bir jangni tashkil etish bo'yicha ish boshladim. Ishoning, bu jangni eshitgan MMA muxlisning aqli shoshib qoladi. Siz hatto tasavvur ham qila olmaysiz. Bu jang 2025 yilda o'tkaziladi. Kecha ushbu jangni o'tkazish bo'yicha bo'yicha ilk qadam tashlandi", - dedi Dana Uayt. 

Gap Jon Jons - Tom Aspinall jangi haqida ketmayapti. Vaholanki. UFC rahbari bu to'qnashuvga og'ir vazn toifasi tarixidagi eng buyuk jang tarifini bergandi. Bu Konor Makgregorning qaytishi ham emas ekan. Dana Uayt hozircha bu jangni oshkor etmayapti. Balki, Xabib Nurmagomedovning qaytishidir.