UFC 312 turnirining rasmiy posteri elon qilindi (FOTO)

Ushbu raqamlangan turnir 8 fevral kuni Avstraliyaning Sidney shahrida tashkil etiladi. Oqshomning asosiy jangi o'rta vazn toifasida amaldagi UFC chempioni, Janubiy Afrika Respublikasi vakili Drikus dyu Plessi hamda ushbu divizionning sobiq chempioni amerikalik SHon Striklend o'rtasida bo'lib o'tadi. 

Bu revansh maqomidagi jang bo'lib, o'tgan yilning yanvar oyida o'tkazilgan ilk to'qnashuvda Drikus hakamlarning yakdil qarori bilan g'alaba qozongan edi. Turnirning co-main event jangi esa ayollar minimal vazn toifasida amaldagi chempion, xitoylik Veyli CHjan hamda amerikalik davogar Tatyana Suarez o'rtasida o'tkaziladi.