UFC chempioni Jon Jons keyingi jangini qachon o'tkazishini aytdi

U o'zining navbatdagi jangini 9 noyabr kuni tashkil etiladigan UFC 309 turniri doirasida o'tkazadi. Musobaqaga qaysi shahar mezbonlik qilishi hozircha rasman elon qilinmagan. Ammo bu katta ehtimol bilan Nyu-York (AQSH) bo'ladi.

SHuningdek, bir qancha OAVlar bu jangda Jonsga Stipe Miochich raqiblik qilishi haqida xabar bermoqda.

Jonnning o'zi jangini quyidagicha anons qildi:

"Qizil burchak, mening ofisim, 9 noyabr kuni".

Aslida, Miochich va Jons jangi 2023 yil noyabr oyida bo'lishi kerak edi, biroq Jon mashg'ulotlarda orttirib olgan jarohati tufayli bu to'qnashuv bekor qilingan edi.

Eslatib o'tamiz, Jon Jons o'zining oxirgi jangini 2023 yil mart oyida Siril Ganga qarshi o'tkazib, birinchi raundda sabmishen orqali g'alaba qozongan edi.